O steer her up, an' haud her gaun,
Her mither's at the mill, jo;
An' gin she winna tak a man,
E'en let her tak her will, jo.
First shore her wi' a gentle kiss,
And ca' anither gill, jo;
An' gin she tak the thing amiss,
E'en let her flyte her fill, jo.
O steer her up, an' be na blate,
An' gin she tak it ill, jo,
Then leave the lassie till her fate,
And time nae langer spill, jo:
Ne'er break your heart for ae rebute,
But think upon it still, jo:
That gin the lassie winna do't,
Ye'll find anither will, jo.
Any corrections or public domain poems I should have here? Email me at poems (at) this domain.