O were my love yon Lilac fair,
Wi' purple blossoms to the Spring,
And i, a bird to shelter there,
When wearied on my little wing!
How i wad mourn when it was torn
By Autumn wild, and Winter rude!
But i wad sing on wanton wing,
When youthfu' May its bloom renew'd.
O gin my love were yon red rose,
That grows upon the castle wa';
And i myself a drap o' dew,
Into her bonie breast to fa'!
O there, beyond expression blest,
I'd feast on beauty a' the night;
Seal'd on her silk-saft faulds to rest,
Till fley'd awa by Phoebus' light!
Any corrections or public domain poems I should have here? Email me at poems (at) this domain.