Song—O May, thy Morn

O may, thy morn was ne'er so sweet
  As the mirk night o' December!
For sparkling was the rosy wine,
  And private was the chamber:
And dear was she I dare na name,
  But i will aye remember:
And dear was she I dare na name,
  But i will aye remember.

And here's to them that, like oursel,
  Can push about the jorum!
And here's to them that wish us weel,
  May a' that's guid watch o'er 'em!
And here's to them, we dare na tell,
  The dearest o' the quorum!
And here's to them, we dare na tell,
  The dearest o' the quorum.

Published in Poems and Songs of Robert Burns

Tags:

Any corrections or public domain poems I should have here? Email me at poems (at) this domain.