Song—Bonie Peggy Alison

Chor.—and I'll kiss thee yet, yet,
  And I'll kiss thee o'er again:
And I'll kiss thee yet, yet,
  My bonie Peggy Alison.

Ilk care and fear, when thou art near
  I evermair defy them, O!
Young kings upon their hansel throne
  Are no sae blest as I am, O!
            And I'll kiss thee yet, yet, &c.

When in my arms, wi' a' thy charms,
  I clasp my countless treasure, O!
I seek nae mair o' Heaven to share
  Than sic a moment's pleasure, O!
            And I'll kiss thee yet, yet, &c.

And by thy een sae bonie blue,
      I swear I'm thine for ever, O!
And on thy lips I seal my vow,
  And break it shall I never, O!
      And I'll kiss thee yet, yet, &c.

Published in Poems and Songs of Robert Burns

Tags:

Any corrections or public domain poems I should have here? Email me at poems (at) this domain.